Menu

Gedichte Geburtstag Vater Sprüche Verse


Zum Vatertag Gedichte, Sprüche Verse. Ein originelles Geschenk für Vater als heitere Glückwünsche auf einer Grußkarte.

Zu Vatertag Hobby Gedichte

Nr. 03 Spruch zum Vatertrag - Fränkische Mundart

Du Vadder


Du Vadder - heid i dir mal sooch
dässer di ganns naarisch mooch
im Herzn i di immer drooch
ned blous heid am Mudderdooch (Vadderdooch).

Alle Joar am Vadderdooch
Nr. 01 Gedichte zum Vatertag Sprüche - Fränkische Mundart

Alle Joar am Vadderdooch
hat me´ als Vadder scho sei Plooch.
Obbe´ schäi is däi Erinnerung
an unser Vadderdoochs-Wanderung.

Bei am vo´ uns Freind hamme´ si droffn
und sin vo´ dodn aus lousgloffn.
De´vur hamme´ nu oogstochn däs Bäie´fass
net dä´ss me´ underwegs wä´n nass.

Probiert hamme´s Bäie´ aa glei
däs hädd ja kenner schlecht sei.
Bäie´ und Wasser woarn am Ladderwoogn droom
den hamme´ dann zuugn - ned gschoom.

Unsre Frauer woarn aa alle dabei
däi hamm däi Kinderwoogn gschoom neembei.
Mir hamm a´ mordsgaudi ghabt und uns gfreid.
zammerkumme´ sin su um di 25 Leid.

A´ jeeds Poar hod zwa Kinder ghabt - naa amol woarns drei
dou woar a´ Zwillingspoar mid dabei.
A´ poar Kinder woarn am Woogn droom ghockt
bis däs Rumrenne´ hods mäier glockt.

Su sin me´ dann also lous zuugn
a´ halberte Stund woar schnell verfluugn.
Dou hamme´ erscht amol gmacht a´ Rast
walst ja a´ Veschber midbracht hast.

A jeder hod gräicht a Brot und a´ Wurscht
und aa a´ weng woos fier sein Durscht.
Dann sin me´ widde´ weider ganger
manchmol hods aa zu reenge´ oogfanger.

Obber des woar uns egal wenns Wedder hod bockt
dou sin me´ bei am Freind in de´ Garaaschn drin ghockt.
Vill schenner woars obber wenn däi Sunne´ hod glacht
des hod uns glei vill mäierer Freid gmacht.

Zerscht sin me´ an verschiedne Plätz nooganger
obber die letzt´n Joar hamme´ dann oogfanger
däss me´ olaffn imme´ di gleiche Stell
in der Fräi we´n Bäie´bänk und Diisch noo gstellt schnell.

Dou hamme´ dann grillt - a´ Fleisch und a´ Wurscht
dazou hods geem Salat und aa woos fiern Durscht.
Wenn me´ ferdi woarn midn Essen
sin däi Frauer nu a´ weng zammer gsessn.

Danouch hamm se´ si in di Sunn nai gnallt.
Mir hamm derwal mid di Kinder Fußballt.
Zerscht woars a Kinderschbill - obber wäi kännts anders saa
däi letztn Joar hamms uns gmacht ganns klaa.

Nachmiddooch hamme´ Kaffee drunkn und an Kouchn gessn
dou sin me´ mol widde´ fie´ a´ Stündla´ gsessn´.
Länger homm uns däi Kinder ka´ Rouh ned glassn
däi wolldn uns halt nu a´ Niederlach verbassn.

Am Aamd sin me´ dann langsam hammwärts ganger
dou woar mid uns nimmer vill oozufanger.
Mir Vädder woarn fe´dich - komplett
mir wolldn blous nu in unser Bett.

Etz sin uns däi Kinder iebern Kubf gwachsn
Renner uns dervo mid ihre langer Hachsn.
Es koo ja ned immer jeds mid wandern
däfie´ laffn Pardner mid vo´ di andern.

Su machme´ aa heid nu am Vadderdooch
immer unsern Wanderdooch.
Hockt etz aa kanne´ mäie´ am Ladderwoogn droom
wer waas wann wide´ a´ Buggy we´d gschoom.

Alles Gute zum Vatertag


Verfasserin: Anita Menger

Zum nächsten Gedicht Vatertag

Geburtstag Gedichte
Geburtstag Sprüche

Geburtstag Einladungen

Hochzeit Gedichte


Bereich: Gedichte zum Vatertag
Ordner: Vater Gedichte Vatertag

Copyright: Alle Texte auf www.geburtstags-feste.de sind frei für private Nutzung. Veröffentlichungen in Internet oder in sonstiger Form sind streng untersagt! Bei Missbrauch fallen Lizenzgebühren an. Mehr Infos hier